探射燈：揀舊樓裝招牌 出事易卸責
政府近年加大力度清拆及規管招牌，但對部分招牌怪現象卻束手無策。深水埗青山道一帶新舊大廈林立，不少位於新大廈的店舖為避開繁複管理問題，「走罅」將招牌安裝於鄰近「三無」舊樓外牆，一旦招牌出事，涉事店舖有機會以舊樓結構問題逃避責任，舊樓業主卻分分鐘一身蟻。
業主應處理「前朝遺物」
「啲舊樓無業主立案法團，唔通真係出錢同你（舖頭）打官司咩？」深水埗區議員梁有方表示，部分商戶「搵人笨」，在「三無」舊樓加建招牌，擔心出事後商戶將責任推卸，令未有購買第三者保險的舊樓業主蒙災。
「招牌冧咗一般都係追究招牌物主，但都要睇番個原因。」執業大律師陸偉雄指，若招牌倒塌是因為大廈本身的結構問題所致，又或者該商號早已清盤而遺留招牌在大廈外牆，卻意外倒塌，大廈業主可能會被控告。故他建議業主先自行拆除「前朝遺物」，若商號仍在經營，則可主動勸告商號把招牌拆除，以便將來成為抗辯理由。否則業主容許招牌存在，意外發生後可能要承擔責任。