政情:半年兩度訪歐 立會議員真爽

去年九月一班立法會議員先至去咗芬蘭、丹麥同挪威訪問,事隔唔夠半年,班議員又要去德國外訪喇。早前德國政府透過駐港總領事館發信邀請立法會議員於三月一日至六日到當地參觀訪問,立法會秘書處尋日出咗代表團名單,共有九位議員成行,當中有四位去年九月都去過芬蘭,半年出巡歐洲兩次,聽落都幾爽。

共九位議員三月到德國

由於今次嘅旅費係由德國全包,認真吸引,所以聽聞今次嘅競爭亦非常激烈,最後花落身兼立法會議會聯絡小組主席嘅劉慧卿(卿姐)、李卓人、陳克勤、謝偉俊(Paul)、梁繼昌、郭榮鏗、葉建源、鄧家彪及鍾國斌(Felix),其中卿姐、Paul、葉建源及Felix都去過芬蘭等地外訪。有份去嘅克勤就話,今次係佢首次去德國,雖然同啲新春活動撞晒期,但佢都會照去不誤,因為要去睇吓人哋點樣喺民主制度下處理拉布喎。

第一手消息請下載on.cc東網iPhone/iPad/Android/Windows Phone Apps