立法會主席曾鈺成早年接受白內障手術後因為出現排斥現象，去年要做埋眼角膜移植手術，由於佢左眼要蓋紗布，一度成為「獨眼曾」。事隔只係三個月，我哋尋日又發現曾鈺成左眼眼肚位置明顯紅咗兼眼腫腫，唔通又有事？不過，曾鈺成尋日主持會議期間，行出行入都顯得相當避忌，對於離奇眼腫只係笑言「喊得多」就逃之夭夭。究竟曾鈺成係擔心投政改關鍵一票喊到眼腫吖？抑或係憂心愛將李慧琼上任黨主席會壓唔住場呢？
