政情：今日你上鏡：忙！農曆「新」年插翼難飛

日前下午兩點幾鐘，我哋喺中環香港會所遇到合和實業董事胡文新（Thomas）食完午飯離開，見佢一出門口就即刻拎起電話不停望，似乎好忙咁款，等候座駕接載。胡文新話，公司目前興建緊酒店，所以不時都要落去地盤巡視工程進度及情況。至於公餘時間，Thomas身為香港冰球協會榮譽會長，正密鑼緊鼓籌備下月農曆年三十舉行嘅女子冰上曲棍球比賽，估計農曆新年期間都應該抽唔到時間去外地旅行喇。