政情：今日你上鏡：王以智跳舞回饋社會

尋日中午時分，我哋喺中環咁啱遇到久未露面嘅滙豐私人銀行亞洲區前行政總裁王以智（Monica），準備去香港會所食晏。離遠見到佢步履輕盈、精神爽利，似乎心情相當唔錯。Monica一向醉心藝術及舞蹈，佢透露近期一直保持練舞嘅習慣，難怪身形睇落咁fit嘞。講到退休生活，佢就話如果現時有慈善活動需要佢幫手，佢都會義不容辭，好似早前就出席咗一個跳舞為主題嘅籌款活動，希望盡能力回饋社會。