新一期二千一百六十個居屋樓花上周一截止申請，吸引七萬幾個申請，超額三十幾倍，其中唔少申請人趁最後一日去樂富房委會總部交表，喺附近巴士站打晒「蛇餅」。管理土地規劃嘅發展局局長陳茂波，尋日撰寫網誌，話咁樣係反映市民渴望循資助自置居所途徑上車，「令人動容」喎。實情係咪應該掉番轉，呢個情形正正顯示政府未能解決市民難置業嘅訴求呢？如果係咁，真係唔知點樣「令人動容」，反而係咪應該用「情何以堪」至啱呢？
