政情：黃永光施榮懷撐輸入外勞

香港不斷起樓，但成日都話唔夠建築工人，亦推高建築成本，所以施政報告就提出放寬建造業外勞嘅工作限制，結果惹來勞工界不滿。前晚我哋喺馬場遇到信和置業執行董事黃永光（Daryl）同中華廠商聯合會永遠名譽會長施榮懷（Irons），兩人都異口同聲對建議讚好。Daryl話，香港房屋需求一向熾熱，輸入外來建造業工人，可以降低建築成本，對市民置業有一定幫助。Irons認為，輸入外勞係一項符合香港情況嘅政策，有助解決建造業工人荒問題。