政情：王英偉新春赴美寓工於樂

農曆新年假期係政界中人外遊充電嘅旺季，香港藝術發展局主席王英偉（Wilfred）同太太簡美蓮早前現身中環香港會，同朋友食完午飯後離開。Wilfred話，下月農曆新年假期將會出門去美國，事關佢喺當地有經營生意，會順便帶埋太太及家人一齊周圍去玩。當問及早前聖誕節同元旦假期有冇外遊，佢就話冇，忙住埋首工作，但都有忙裏偷閒，好似聖誕節期間就帶咗一班朋友上佢位於山頂嘅屋企度開派對慶祝，一同感受歡樂氣氛。