碎石阻街 市民變「吸塵機」

「我喺隔籬返工,日日都會喺呢個小巴站等車,嗰堆碎石擺咗喺度好耐,依家冬天咁大風,成日都會吹晒啲沙石過嚟,氣管同對眼都好辛苦,再擺耐啲我哋又會吸多啲,都唔知會唔會影響健康。」

環署竟稱查無所獲

於火炭工廠區工作的陳先生發現,桂地街60K小巴站旁有大堆碎石擺放多時仍無人清理,擔心揚起的沙塵會危害途人健康,並造成環境污染。

環保署發言人表示,曾於該處一帶進行巡查,惟期間未有察覺建築廢料堆積,強調仍會繼續留意有關情況。發言人續稱,過去一年曾接獲一宗於上址附近另一工業中心外有建築廢料的投訴,巡查時察覺有工人正在清理有關物料。

陳先生坦言不滿環保署後知後覺,要求盡力監管環境污染問題,保障市民健康。「咁大堆嘢擺喺度都可以話冇發現,難為我哋要日日『吸塵』!」

第一手消息請下載on.cc東網iPhone/iPad/Android/Windows Phone Apps