政情：今日你上鏡：林瑞麟口密拒論政

前政務司司長林瑞麟大前年卸任後去咗英國修讀神學一年，即使返港後都相當靜局，鮮有露面。不過，前日下午兩點幾鐘，我哋就見佢食完午飯離開香港會所，問佢最近忙緊咩，佢就話都係忙住出入教會喎，連聖誕節及新年都唔會特別出去玩。見佢身形同之前相比明顯瘦咗，面色睇落仲幾紅潤添！對於一四年完結後有咩感受最深或重要大事回顧，林瑞麟就立即封口唔提政治時事嘅嘢，笑笑口話呢啲留番畀傳媒去總結喎。估唔到佢離開咗官場咁耐，仲依然咁口密呀吓。