政情:公民講場:蘇錦樑祈求 「白武士」打救

臨近歲末,陷入欠薪危機嘅亞視仍未見曙光。法庭委任德勤兩名合夥人任亞視監管人,並出任獨立非執行董事,主要工作包括協助出售股東黃炳均持有嘅逾一成股份、為亞視尋找行政總裁,同埋與政府商討續牌事宜。由於現任股東不願注資,監管人講到明亞視必須有「白武士」入場打救。講到尾,都係監管機構商務及經濟發展局局長蘇錦樑腳頭唔好,記得去年底有香港電視不獲發牌風波,今年底就輪到亞視爆煲,唔知蘇錦樑會唔會祈求聖誕老人送位「白武士」畀佢呢?

第一手消息請下載on.cc東網iPhone/iPad/Android/Windows Phone Apps