政情：立會掛畫 化議員戾氣？
近年立法會成日好多爭拗，唔知秘書處係咪想以藝術陶冶議員性情、化解戾氣，最近喺多個樓層增添布置五組由本地藝術家創作嘅水墨畫。
呢批水墨畫作出自本地新進藝術家之手，有啲仲入選香港當代藝術獎，當中以掛喺一樓同二樓議員電梯大堂、由藝術家楊頌雅繪畫嘅一組《承諾，衝破空間走向無限》就最為搶鏡，畫中兩隻雀仔形態栩栩如生，令人行過時忍唔住望多兩眼。秘書處咁用心良苦，唔知議員會唔會考慮收吓火呢？
近年立法會成日好多爭拗，唔知秘書處係咪想以藝術陶冶議員性情、化解戾氣，最近喺多個樓層增添布置五組由本地藝術家創作嘅水墨畫。
呢批水墨畫作出自本地新進藝術家之手，有啲仲入選香港當代藝術獎，當中以掛喺一樓同二樓議員電梯大堂、由藝術家楊頌雅繪畫嘅一組《承諾，衝破空間走向無限》就最為搶鏡，畫中兩隻雀仔形態栩栩如生，令人行過時忍唔住望多兩眼。秘書處咁用心良苦，唔知議員會唔會考慮收吓火呢？
