政情：收料站：港大「法」「醫」畢業禮 出奇平靜

早前佔領行動期間，大學生成為運動嘅骨幹，其中唔少香港大學學生仲企喺抗爭嘅最前線，好似學聯秘書長周永康及常委梁麗幗，但佢哋部分師兄師姊就似乎冇佢哋咁投入。話說早前好多大專院校畢業禮興起一股舉黃遮抗議風潮，引起唔少風波，令人以為個個學院畢業禮唔多唔少都會有人舉黃遮或戴黃絲帶。不過我哋聽聞，早前港大法律學院同醫學院舉行畢業禮時，就出奇地咁平靜，搞到成地眼鏡。