笑看天下:唔玩你玩邊個

早前中大的民調顯示,已有逾一半市民反對佔領運動;然而,佔領運動明明得不到大多數市民支持,何以一眾牛鬼蛇神明知死路一條─可仍然要走到底?

鬼咩!佔領原來咁好玩,唔使好似啲o靚模谷事業線,唧波罅都可以輕易出位,又可「玩法律、玩警察」,一眾反中亂港,慌死香港有好日子過的搞事者,只不過被溫柔抬起,輕輕送上警車或旅遊巴,扣留不足十多小時又全部獲無條件釋放,難怪他們依然可以嘴藐藐,獲釋後又再在警署外一字排開,大喊口號示威!

政府的「鐘極清場」,事前聲大大,事後無貨賣,放生佔中黑手,難怪予人欺善怕惡嘅壞印象;正如本報「正論」指出:當局不是乘勝追擊,將一眾牛鬼蛇神繩之以法,反而將他們無條件釋放。當局效婦人之仁,今日縱虎歸山,他日必自食其果。

話口未完,佔領原來咁好玩,妖霧重來,獅子山繼「我要真普選」後又再出現「CY下台」嘅黃色巨幡!政府色厲內荏,所謂「果斷執法」原來係冇料到,當老鼠唔怕貓,難怪一百幾十個「鳩嗚」怪物,都可以在旺角、銅鑼灣玩死差人!

當年子貢問怎樣才能使國家穩定,孔子說:要有充足嘅糧食儲備,強大嘅武裝力量,還要有廣大的人民信任。子貢追問:若不能同時保證這三項條件,怎麼辦?孔子答:寧可削武裝。子貢再問:若是仍不能兼顧,又怎麼辦?孔子答:寧可減少儲備,自古皆有死,民無信不立。

冇錯,失去了人民嘅信任,政府必垮,國家必亂。今政府嘅「拘捕行動」,七千警力又如何?政府輕易一再放生佔中黑手,黔驢之技,技止乎此;當年魯迅對怨敵,都夠膽發出「我也一個都不寬恕」,如今政府面對知法犯法者,卻是一個個放虎歸山,阿哥,唔玩你玩邊個啊!