雙學、泛民於佔領行動落幕前動作多多，首先係雙學上月底號召圍堵添馬艦政府總部，學民思潮召集人黃之鋒縮沙無蹤影。尋日終極清場時，黃之鋒又再做逃兵無走上最前線，理由同上次縮沙差唔多，都係自己有多條控罪在身，一旦再被拘捕會被即時拘留至明年一月中，總之理由多多。可能佢都覺得唔好意思，尋晚先至去葵涌警署聲援早前被清場拘捕嘅雙學同泛民議員「補鑊」。黃之鋒每次集體行動時就失場，相反學民搞「絕食騷」時就瞓身搏命，真係大細超喎！
