政情：王嘉恩鍾意做運輸
做物流生意嘅香港國術總會會長王嘉恩（Albert），最近獲一個協會頒發典範獎，令佢感慨萬分。佢話，運輸行業一向予人唔馨香嘅感覺，小時候經常聽人講「細時唔讀書，大個做運輸」，好彩佢無因此抗拒入行，仲做出一番成績添！
練少林內功 保持精神
Albert話，佢學成歸來後，喺家族公司由低做起。佢自言好鍾意工作，冇成功竅門，仲要時刻提醒自己唔好犯同一錯誤，特別要感謝父親為佢打好基礎咁話。
Albert經常同太太陳美華活躍於社交圈，公餘不忘投身社會做公益，曾任博愛醫院總理，工作咁忙碌又要保持精神奕奕，絲毫不流露「運輸佬」嘅滄桑，秘訣係乜？原來靠勤練少林內功及武術。難怪佢年近四十歲，但係好多朋友都唔信佢已經「四張嘢」。