政情：王國強細仔有蜜友

金城營造集團主席王國強一直恨再飲新抱茶，大仔紹基成家立室後，細仔王紹恆（Rex）仍然單身，事關佢一向事業心重，唔恨拍拖。不過，桃花運話嚟就嚟，尋日朝早Rex去迪士尼參加聯合國兒童基金會慈善跑，身邊就多咗一位束馬尾嘅女仔，Rex大方承認蜜運中，仲介紹女友叫林靜，兩人齊穿起運動裝，笑容一致，睇嚟王國強呢杯新抱茶有着落喇。蜜運中嘅Rex神釆飛揚，跑完三公里之後，氣都唔喘吓，戀愛嘅力量，認真神奇！