被指係佔中「幕後黑手」兼「最大金主」嘅壹傳媒老闆肥佬黎，連日喺金鐘佔領區據點嘅「皇座」扮指揮「抽水」，可能一直無人「聽佢支笛」，早前佢就盡地一煲力促學聯喺亞太經合組織（APEC）會議期間上京「博拉」，藉此催谷五十萬人上街，結果被轟「送學生去死」。可能肥佬黎嫌自己未夠「黑心」，尋日談及學聯上京時，更赤裸裸「推學生去死」，竟然話「最大衝擊係最好囉！」肥佬黎就講得口響，咁叻點解唔自己上去呢？難怪有網民寸佢喺海外有咁多物業，如果一有事就拍下「籮柚」就走人喇！
