86C缺路線圖 乘客不便
九巴車廂不設路線圖，乘客搭車「盲摸摸」！鮮有乘搭86C線的冼小姐指出，早前乘搭有關路線由深水埗前往沙田，由於對該條路線並不熟識，擬查看車廂內所展示的路線圖時，始發現框內空空如也，令冼大感不便，「唔係每架巴士車廂都有路線圖嘅咩？年輕人就話可以上網睇，咁啲長者點算？」
九巴發言人表示，對有關問題深表關注，接獲轉介後已提示車長必須留意車廂內路線圖有否恰當展示，並會安排外勤人員留意相關服務情況。
「九巴可能覺得一張路線圖冇乜嘢，但對啲長者嚟講係好重要！」冼小姐要求九巴正視有關問題，確保每輛九巴都在車廂內清楚展示路線圖，以供乘客查閱。