探射燈：推廣單車運動 港遠遜歐美
「香港單車因為有好成績，算係比較得到政府支持，不過我哋仍然覺得喺好多地方，政府連路都唔畀我哋行！」展騰單車會專業單車教練劉敬年慨嘆，當局仍然視單車為消閒娛樂活動，完全沒有考慮以單車代步人士的需要，令本港對比起歐美等發達國家，在推廣單車普及方面仍有一段距離。
只顧獎牌 忽視普及性
「好多地方嘅單車路都係斷開一截截，有乜理由要人踩踩吓落車推？」劉敬年批評，政府只期望單車運動員為本港帶來獎牌，卻忽視了讓單車普及對公眾的重要性，「踩單車對身體又好，又環保，鼓勵多啲市民參與呢項運動，只會減輕社會嘅醫療負擔。」
劉指，現時的單車青訓已發展至甚具規模及系統化，不過仍然有不少家長擔憂影響子女學業，「單車需要相對長時間訓練，好多家長都寧願仔女畀多啲時間讀書，唔係好鼓勵佢哋玩呢項運動。」