佔領中環行動已經維持咗多日，大量示威民眾連日來於金鐘、銅鑼灣、旺角等多個示威區通宵席地而睡。日前我哋報道過有部分議員以「接見訪客」為由，長期借用立法會大樓嘅會議室，供部分示威者入去沖涼、休息或瞓覺，搞到好似劏房咁，一班建制派議員則投訴冇會議室用。不過，原來除咗立法會七樓同十樓嘅會議室被佔據外，連九樓嘅男廁都被攻陷。尋日有人影到喺該樓層嘅廁格內，連廁所板都貼咗印有「抗爭」字眼嘅黑黃色貼紙，唔通連去廁所都咁熱血？
