政情：今日你上鏡：李家仁潮玩「神棍」搶晒鏡

兒科醫生李家仁除咗主唱一系列「小明」歌曲街知巷聞外，原來仲好識得喺唔同場合搵方法娛人娛己。前日我哋喺灣仔會展舉行嘅十．一酒會內，見到李家仁揸住支「自拍神棍」周圍行，同在場朋友玩自拍，仲足足影咗大半個鐘咁耐，連食物及衞生局局長高永文都有試用「自拍神棍」合照，不知幾開心。李醫生呢支「自拍神棍」除用作影相外，仲成功吸引到唔少朋友埋去同佢研究支「神棍」，增進不少友誼。