政情：「哪吒」晒相

近日港人潮興上載陳年學生照到社交網站聲援學界罷課運動，言行愈來愈出位嘅西貢區議員方國珊（哪吒）早幾日都跟風上載照片，但佢就比較特別，上載攝於九○年代、附有相片嘅中文大學學生證，並留言稱：「校友們，加油！」只見哪吒呢張當年年僅二十四歲嘅學生照眼仔睩睩、笑容甜美，望落都幾清秀，外形同二十四年後嘅今日相差唔係太大，只係依家戴咗副眼鏡。哪吒細細個已經咁有明星相，難怪網民紛紛留言大讚佢靚女，早年加入娛樂圈拍電視劇一啲都唔出奇喎。