政情：八網難逃：星屑醫生 銀包失而復得

人稱「星屑醫生」嘅人民力量成員歐陽英傑尋日在社交網站上演咗齣「尋銀包記」，仲憑人民嘅力量極速尋回。尋日中午，星屑醫生在社交網站求救，話唔見咗銀包，內有現金、八達通、身份證、信用卡同鎖匙，希望有心人幫手！只係短短三小時，佢就報喜話有好心人將銀包交咗畀警署，仲透露呢位路不拾遺嘅好心人，曾透過銀包上嘅個人資料在社交網站搜尋佢，可惜網站太多「歐陽英傑」，唔敢貿貿然聯絡；加上星屑醫生淨係自家戶口都有兩個，最近又更新咗個人頭像（箭嘴示），滿臉加咗假鬍鬚扮美國影星佐治古尼，難怪人哋寧願交個銀包去警署穩陣啲喇。