樂富：違泊嚴重 警方鮮執法
樂富橫頭磡南道違泊嚴重，令交通嚴重擠塞！冼先生發現橫頭磡南道常有車輛違泊，認為對道路使用者安全構成威脅，「左邊有幾間食肆，成日見到有司機落車買外賣，又好少見警察嚟抄牌，好似無王管咁！」冼不滿警方鮮有派員執法，令情況日益惡化。
警方發言人稱，過去一個月共接獲三十四宗涉及上址的違泊投訴，期間發出一百六十張告票。發言人強調將密切留意及採取相應執法行動，保持暢通無阻。
市民促設雙黃線
「一條街一個月抄咗成一百六十張『牛肉乾』，證明情況已經好嚴重啦，警方再唔留意多啲真係遲早出事！」冼先生希望警方正視問題並持續跟進，又建議當局於上述路段設置雙黃線，以根治違泊問題。