首歌繼續搵韋然作曲作詞，一開始就話，小明上北京探阿爺，搭飛機降落時，北京一片盛況。爺爺讚佢好醒目同識做，因為「識得冇亂講嘢」，又識得買支酒送畀阿爺，難怪係「確精乖」同抵錫，睇嚟小明都幾識國情喎。之後歌詞講到「北京笑 東京跳 噢班馬仔呱呱叫」，意指日本同美國都唔夠中國鬥。
不過，首歌其後就數番中國五千年歷史，由三皇五帝講到新中國，當中都有提及共產黨管治下嘅三反五反「亂初萌」、大躍進遍飢荒、文革禍害，仲食字疑似講六四事件，話「悲綠逝 淚未乾」。首歌仲有話近代道德淪亡，賣假貨，又有黑心食品等，寄望將來有民主，最後當然係大團圓結局，小明嘅同伴小強都發咗達，兩岸統一，所以係咪維穩就見仁見智喇！