政情:顏志永率中學生考察 籲拓國際視野

內地經濟發展一日千里,與其聽人哋轉述,不如真正到現場去感受。百仁基金副主席顏志永(Roger)為咗擴闊新一代視野,日前率領一批傑出中學生考察佢做董事、位於韶關嘅玩具廠,趁機勉勵年輕人把握面向大中華優勢,開拓國際視野。

港商喺內地發展有機遇也有挑戰,Roger年紀輕輕接掌家族生意,由佢分享港商嘅機遇同挑戰,夠晒資格,期間佢詳細講解為中國生產「玉兔號」登月車及「嫦娥三號」模型車製作工序,同學們聽得津津有味,不時主動發問問題。

Roger其後提醒年輕人要提升競爭力,又話百仁基金不時安排唔同行業嘅專業培訓,等香港學生多啲北上交流,了解內地企業最新發展趨勢,勝過讀萬卷書喎。

第一手消息請下載on.cc東網iPhone/iPad/Android/Windows Phone Apps