探射燈：了解自身需要 切忌盲目跟從

視作養生 不應用作減肥

認可生機飲食導師Angie表示，初學者切忌盡信網上教學，「千祈唔好以為唔煮擺入口就係Raw food，唔係咩嘢都可以生食，好似有芽薯仔同小麥草呢啲本身帶微毒嘅植物，就唔建議就咁食。」

她續指，生機飲食的組合，應該是發酵食品、蔬果加上發芽後的果仁種子，「最好揀有機蔬果，先保證唔會食到農藥。

「至於果仁種子類就一定要先浸泡發芽，會易啲消化。」她又說，生機飲食不應用作減肥，「你唔可以依靠佢嚟減肥，應該當係一種養生法。」Angie提醒，如果要成為長期生機飲食者，最好先向專業人士請教，且應了解自身的體質，配合設計餐單。

另外，由於生機飲食者不會食用肉類，而且多會只集中食用某些食物，因此須留意保持營養均衡。註冊營養師陳勁芝指，食物是否煮熟，其實與該食物能否提供營養無大關係，因此生機飲食者該注意的地方，和全素者大致相同，「因為佢哋唔會食到肉，所以要喺其他食物補充足夠嘅蛋白質。」