回收店霸道營業 食署塞責
「日日都放幾個大鐵籠、幾大堆紙皮喺度，搞到條街污污糟糟，依家仲要霸埋個小巴站，搞到我哋上車都要行出馬路，不知幾牙煙！」陳先生指香港仔大道有回收店經常佔用行人路營業，對市民造成嚴重滋擾，「同食環署投訴過幾次，情況依然係咁，一啲都冇收斂到。」
食環署發言人證實，過去一年曾接獲廿二宗相關投訴，並採取十三次執法行動，期間發出兩張傳票及十五張「移走障礙物通知書」。接獲本報轉介後亦曾再度派員巡查，因並未妨礙街道潔淨工作，而涉事店舖已擴張經營至毗連公眾地方，屬街道管理問題，需轉介相關部門跟進。
陳先生不滿食環署推卸責任，未有盡責保障公共衞生。「唔阻佢哋掃街就闊佬懶埋，食環署做嘢咁楚河漢界法，難怪條街變做垃圾站啦！」