壹傳媒黎智英（肥佬黎）向泛民秘密捐款醜聞愈揭愈臭。機密檔案顯示，社民連主席「長毛」梁國雄曾先後收受肥佬黎共一百萬元巨款，但長毛尋日又突然改口話，僅收過其中一次為數五十萬元嘅捐款。至於據稱喺今年六月捐出嘅另外五十萬元，長毛就話當時佢坐緊監，閒來就寫吓詩諷刺時弊，自己冇收過該筆捐款，出獄後亦冇聽過其他社民連兄弟收過肥佬黎錢喎。咁究竟呢筆「消失了的五十萬元」最後去咗邊？係肥佬黎自己作大造數？定係有人「黑食黑」私吞咗呢筆「黑金」呢？
