檔主亂擺貨 堵街市通道
「個個檔口都想自己啲貨擺正喺最當眼嘅位，結果就你又放出啲、佢又放出啲，啲客就冇路行！」李先生經常到大角咀街市購物，發現檔戶常將大量貨物擺放行人通道，令原本寬闊的通道變得水洩不通，「一年前開始投訴，食環署話啲檔擺多兩、三個階磚係默許範圍，但事實係啲檔愈擺愈出都冇人理！」
食署巡查未有發現
食物環境衞生署發言人表示，過去半年共接獲三宗同類投訴，並提出三宗檢控，接獲本報轉介後再派員突擊巡查，惟未有發現貨物阻塞通道。至於被指默許檔戶佔用通道一事，發言人則未作正面回應，但強調任何人在街市內放置物品造成妨礙，即違反《公眾街市條例》，最高罰款為五千元。