政情:八網難逃:「抗」保羅專頁 逾千人讚好

聖公會大主教鄺保羅早前在講道中,指參加七一遊行嘅市民是出於羊群心理,又「笑指」佔領遮打道嘅被捕示威者不滿一度無法去廁所及用膳,咁應帶同菲傭去參加集會,結果惹來部分基督徒網民不滿,上周日在社交網站facebook設立「我係基督徒,鄺保羅不代表我」嘅群組專頁,至昨晚已有逾一千六百人「讚好」。開設該群組的網民發起聯署聲明,批評鄺保羅在講道中揶揄市民,有失牧者風範及操守,又指鄺作為宗教領袖,言論具代表性,應避免予人認為佢係政治權力嘅代理人喎。我哋曾嘗試搵鄺保羅回應,但始終未能聯絡上。

第一手消息請下載on.cc東網iPhone/iPad/Android/Windows Phone Apps