尖屋似鐵達尼 村民斥大凶煞

「間屋起咗之後起碼死咗十幾個，仲要唔係老人家喎，三十幾（歲）又有，四十幾（歲）又有，好邪。」村民徐先生指，村內一直順風順水，近三年卻發生連串不幸事件。

「無故猝死 或者跳樓」

翻查資料，該村近年確曾發生中年村民猝死或自殺的事件。去年十一月，四十五歲的美援新村村民疑不堪財政壓力，於大元邨墮樓身亡。今年四月，一名村民疑因心臟病發猝死家中。

黃震宇	為求擋煞，村民於「船頭」建石躉，設置神主牌及於村外巴士站旁豎立石碑。

死神來襲，村民矛頭直指村口的別墅。原來村口前有一塊私人土地，興建了一幢別墅，三年前落成，惟別墅外形儼如一艘船，呈刀狀的「船頭」更指向村內中心地帶。村民蘇先生指着其中一村屋說，「其中一個（去世的村民）就係住喺呢度，都係三十幾歲，朝早先打完麻雀，夜晚瞓瞓吓就走咗，我新抱又無喇喇去咗，我個仔之前住咗十幾日醫院，啱啱先出番嚟。」

美援新村村長蘇來表示：「死嘅多數係五十歲以下，好多都係無喇喇猝死，或者走去跳樓跳橋，仲有幾個生cancer（癌症），又有三個五十幾歲嘅中風，其中兩個係兄弟嚟，兩年幾都死咗十幾個村民。」村民已於「船頭」前建石躉及放置神主牌，又於村外豎設刻有「李廣將軍在此」的石碑，祈求安寧。

戶主願配合村民要求

玄學家黃震宇到現場了解，指別墅「船頭」為尖角煞，高逾數米，猶如利刃劈向村民，是為大煞，「船頭」座西向正東，西方尖位屬火，「火就剋金，風水學上就叫火照天門，長房血症，即係一家之主、長房或者長子會有血光之災，一五年後先會好啲。」別墅外形尖對屋主亦不利，家庭會不和睦，亦影響健康。他謂，只要在「船頭」種植蔓藤類植物，已可有效擋煞。

本報記者其後見別墅有車駛出，於是上前追訪，車上的魏先生指別墅由公司提供，他表示若村民有任何風水上的要求，他樂意配合。

記者吳皓婷