政情:民陣七一遊行稱使多幾十萬

通脹唔止影響市民日常生活,對七一遊行都有影響,民間人權陣線(民陣)召集人楊政賢話,由於物價高漲,搞到佢哋今年舉辦七一遊行嘅成本都多咗幾十萬元,單單係支付大會音響嘅費用就已經貴咗兩、三成喇。而佢哋今次出動嘅糾察員都比過往多咗,好彩好多都係義工,唔係條數有排計喎。

租場大咗 音響費貴

楊政賢尋日喺網台節目上話,除咗音響費用貴咗兩、三成外,佢哋今年租用嘅場地亦大咗。過往民陣七一遊行只係得銅鑼灣同天后興發街兩個出入口畀市民入場,但今年佢哋就用埋維園中央草坪位置,地方大咗,開支自然又多啲。不過,點解佢唔講吓,地方大咗,籌款箱都可以放多幾個,籌款都多啲啦!

第一手消息請下載on.cc東網iPhone/iPad/Android/Windows Phone Apps