綠Van違泊巴士站 警欠巡查
小巴違例泊入巴士站，警方卻指並無發現。居於葵涌的林先生指出，不時目睹有專線小巴駛入石蔭路巴士站停泊，懷疑有小巴司機收工後為貪方便隨處違泊，「唔應該當咗巴士站係免費停車場，但都唔見警方有人理！」
警方稱未有發現
警方發言人指，接獲轉介後已多次派員巡查，暫未發現有關車輛違泊車站範圍。不過警方已提醒上址一帶小巴司機，停泊車輛於巴士站屬違例。警方會繼續留意上址情況和採取適當行動。
「警方一定要加強巡查，唔好畀人將巴士站當做私人泊車位！」林先生期望警方正視，嚴厲執法，確保巴士站範圍不被濫用。