政情:今日你上鏡:索女攬健鋒

行政會議成員林健鋒(Jeffrey)被索女攬?有一部電影早前喺香港舉行首映禮,Jeffrey係少有嘅政商界人士獲邀出席呢個盛會,難得近距離見到電影女主角妮歌娜佩絲,就把握機會提出拍照留念,期間身穿黑色吊帶小背心嘅妮歌娜佩絲唔單止無托手(月爭),仲將玉手輕輕搭上Jeffrey膊頭,然後綻放出燦爛嘅笑容,Jeffrey見狀極為受落且笑意盈盈,認真恨死隔籬。Jeffrey事後仲大讚妮歌娜佩絲真人靚過上鏡多多聲。