九巴常脫班 乘客呆等
「個站牌明明寫住大約四個字就有一班車，點解要等成半個鐘先有車到？」家住坪石的徐先生每日皆乘搭九巴296C線前往將軍澳，發現近期脫班情況日益嚴重，以致經常在街上苦候，「依家天口咁熱，本身已經一身大汗，但就要罰企半個鐘先有車坐！」
九巴發言人解釋，根據當日行車紀錄，涉事路線服務大致正常，惟間中因受路面交通或上落客情況而影響班次到達分站時間。
承諾密切監察
九巴發言人同時承諾，會密切留意有關路線服務情況，在資源許可之下靈活調配班次，以配合乘客需要。
不過，徐先生指脫班未有改善，「九巴成日都加價，但服務就從來冇跟住改善，連最基本嘅班次承諾，都永遠做唔好！」徐促九巴就脫班嚴正檢討，免市民再因班次失準而呆等，「應承咗就要做，始終公共事業對社會係有一定責任！」