平日行經馬路邊，不時都會發現有政黨宣傳橫額被搞事者鎅爛或畫花咗，以洩對該黨嘅不滿。立法會議員陳恒鑌（Ben）尋日喺社交網站，上載咗一幅地區宣傳橫額被鎅爛嘅相片，鬧爆「暴力延續至荃威社區」，怒轟鎅爛橫額嘅人阻止佢同居民合法溝通，相反其他黨派嘅橫額就絲毫無損，揚言「即使你破壞，也阻不了我！！！」平日以慈父形象示人嘅阿Ben今次佛都有火，被鎅爛橫額都怒不可遏，仲借題發揮話暴力抗爭蔓延，唔通同佢前日出席財務委員會後困坐立法會，被迫棄車搭港鐵返屋企有關？
