財政預算案撥款因為「長毛」梁國雄等立法會議員「拉布」影響，始終無法在上月底通過，財政司司長曾俊華（鬍鬚曾）尋日就繼續透過網誌呼籲議員盡最後努力緊守崗位，盡早完成審議《草案》，減少對公共服務影響。其實鬍鬚曾過去已多次批評「拉布」議員，但始終徒勞無功。不過，鬍鬚曾佢有佢鬧，但立法會主席曾鈺成尋日竟然喺電台節目大讚「拉布」議員有專業精神，即使佢哋自知已經達不到目的，但仍然準備好發言內容，並於會上不斷站立動議大量修訂喎！唔知鬍鬚曾聽到呢番說話後會否激親呢？
