村屋爆喉兩月 水署拒理
水務署最近呼籲「齊來慳水十公升」，卻被揭發帶頭「嘥水」！元朗有村屋爆水管，市民發現後不滿大量食水湧出造成浪費，通知水務署維修，當局卻以私人水管為由未有即時截水，僅要求用戶自行維修，最終令食水白流兩個月。立法會議員批評水務署處事官僚、加上現有條例過時，要求當局以先維修後追討方式處理食水管維修問題，減少浪費。
陳小姐（化名）早前到元朗塘頭埔村探望親友，在村內發現一幢村屋外有食水管爆裂，大量食水流出，因為不忍食水白白浪費而向水務署求助。水務署職員到場視察後竟稱未能即時維修，需時釐清責任才可作進一步處理，「佢哋話要睇吓條喉係公家定私人嘅，如果係私人嘅就要出信要求維修，咁即係有排搞啦！」陳小姐不滿水務署處理水管漏水問題程序繁複。
水錶前爆裂 難計流失量
記者曾實地視察，入村未幾即聽到「潺潺」水聲，隨水聲探索，發現一村屋前巷位置有地下食水管爆裂，大量食水經去水渠排出公用雨水渠。有村民更向記者表示，食水日以繼夜流出，不但浪費食水，更造成噪音滋擾，晚間亦難以入睡。
水務署發言人表示，接獲有關投訴後已隨即派人查察，發現一條位於私人土地上的私家喉管漏水。根據《水務設施條例》，私家喉管須由相關用戶負責維修及保養。經調查及測試確認有關水管用戶後，該署已要求用戶盡快聘請持牌水喉匠進行維修，倘一個月內用戶仍未維修，水務署將按條例規定，截斷對有關用戶的供水。發言人又指，由於漏水部分的喉管位處水錶前位置，無法計算食水流失量，故不會收取相關水費。
議員促修例 維修後追討
「我個親戚話最後搞咗兩個幾月先整番好，日日咁流都唔知嘥咗幾多水，仲叫人每日慳水十公升！」陳小姐批評水務署做法官僚，浪費大量食水，未能樹立良好榜樣。
立法會發展事務委員會委員梁志祥批評現有《水務設施條例》落後，要求政府修改法例，以防止再有浪費食水的情況出現，「睇番依家嘅法例，根本有排都未可以解決問題，水務署應該維修咗先，之後再追討番維修費，或者一發現漏水就即刻控告個用戶，咁先可以盡快解決到問題。」
梁又指，過去曾處理相關投訴，水務署與用戶往往需時多月交涉才能解決問題，要求該署加強公眾教育，確保用戶知悉責任。
記者：楊育輝、攝影：馮國豪