本港融合教育被評「自生自滅」，教育界促請政府投放資源，讓有需要學童及早得到幫助。「一路以嚟都係有心嘅老師自己做，政府支援唔多。」香港資助小學校長會名譽主席林湘雲直言，不少傳統名校為保公開試成績，對收SEN學生表現抗拒，教師也不願意接受培訓，「啲老師覺得自己平日教開精英，富家子弟，唔肯對住有問題嘅小朋友。」
「有學校直情同個SEN學生講，我收咗你，但唔畀你升班。」香港教育學院研究生院高級學術顧問李萍英透露，有學校為拒收SEN學生無所不用其極。她建議教育局改良制度，如將SEN學生的成績跟主流學生分開計算，減少功課，並加強家長之間的溝通。
基督教香港信義會紅磡信義學校校長黃智華形容，SEN學生就如患近視一樣，「只要畀番副合適嘅眼鏡佢，就可以同普通人咁睇得好清楚。」他認為，教育局提供的資源愈多愈好，目前本港的融合教育推行步伐仍較台灣及歐美慢，惟比起日本及內地快。