東方報業集團早喺二○一二年初，獨家揭發「貪曾」前特首曾蔭權爵士連串貪腐醜行，但廉政公署立案調查超過兩年，仍未見有任何人被拘捕或檢控，市民只睇到貪曾如常頻頻出席各類公眾場合同宴會，繼續飲飲食食，逍遙法外。不過有消息指出，廉署終於就貪曾案取得足夠證據，最快喺一至兩周內請貪曾返廉署「飲咖啡」，甚至會隨即「落鑊」拘捕同檢控佢。貪曾呢期肯定晚晚有得震，冇得瞓！
