東方報業集團尋日獨家披露立法會調查貪湯專責委員會調查報告初稿，三度狠批貪湯喺公務酬酢同處理餽贈時無恪守節約、避免奢華原則，又唔符合廉政公署提倡廉潔奉公嘅價值，有負公眾對廉政專員嘅期望。專責委員會尋日高調發表聲明，對有報章疑似披露專責委員會報告初稿內容深表遺憾。
委員會仲喺聲明中話，調查報告係機密文件，洩漏內容會影響委員會工作嘅公正性，同埋對有關證人唔公平。
不過喺呢個大是大非嘅時刻，東方報業集團公開貪湯調查報告內容都係無可厚非，至少等大家知道貪湯係點樣罪大惡極，爆料有實在意義。
如果大家唔可以預早知道報告內容，就會繼續唔知貪湯嘅所作所為，所以本報會繼續為民請命，克盡傳媒監察政府同立法會嘅責任，繼續揭發更多官場黑幕。