電話離奇被飛線至殯儀館，市民懷疑遭「惡搞」！鄭先生一直使用的手提電話號碼早前突被飛線至一間公司，向電訊公司投訴後，對方要求鄭先親自前往門市辦理保密手續，日後有需要再自行調校轉駁來電服務。不過，鄭先生完成保密手續後，來電竟被轉駁至一間殯儀館，「之前就無啦啦駁咗去一間同我完全冇關係嘅公司，投訴完仲駁埋去殯儀館，真係大吉利是！」
對於客戶號碼無故被轉駁到其他公司及殯儀館的因由，涉事電訊商發言人未有正面回應，僅稱若客戶已申請機密記號，查詢及更改服務計劃時必須親身辦理，客戶仍可透過手機及密碼處理日常使用的通話服務指示，如來電轉駁服務等。
「佢都冇解釋發生呢個問題嘅原因，我亦冇做過轉駁電話呢個動作，個電話成日自動飛線，咁樣真係好困擾！」鄭先生坦言不滿電訊公司的回應，直指對其服務大失信心，要求盡快糾正問題。