港府早前委任咗本地工程專家李焯芬教授，出任負責調查高鐵工程延誤醜聞嘅專家小組主席，但點知消息公布唔夠幾個鐘，李焯芬就畀人揭發同高鐵工程有潛在利益衝突，被迫極速辭職止血。港府尋日公布新一次專家小組任命，三位成員都係外籍人士，包括香港終審法院非常任法官夏正民同兩名英美工程專家。港府學真普聯大搞三「鬼」方案，唔知咁係反映咗香港缺乏有關專家，定係香港班專家個個都同港鐵有利益衝突呢？
