九歲仔流浪24小時
九歲仔離奇失蹤搞到全城尋人。小四男生軒仔，前日因測驗得滿分，身懷爸媽獎勵的四十元，由大埔偷偷出旺角睇「iPad」，偶遇老師時以一句：「等爹哋媽咪」甩身，昨晨搭車到大圍尋祖母卻迷路，期間家人焦急如焚，發動全家及登facebook尋人，警方又發相呼籲，惟軒仔盤川耗盡，徹夜未眠加上飢腸轆轆，向女街坊求「接濟」時被揭發「失蹤童」身份。
該男童田卓軒，在大埔區一間學校讀小四，與父母及十歲兄居於宏福苑。從事裝修的田父透露，軒仔個性好動，卻甚乖巧，未試過離家出走。校方亦指軒仔近日無異樣，學業及操行良好。
前日下午四時許，軒仔放學回家，因測驗考得一百分，獲父母獎勵四十元零用錢，同時又給予五十元叫軒仔到邨內髮型屋理髮。軒仔換上黃色上衣、深藍色短褲及藍色涼鞋後，孭着藍色袋逕自出門。理髮後，迷戀「iPad」的軒仔，一聲不響搭車出旺角逛電器店。
巧遇老師避過查問
晚上八時，軒仔在亞皆老街百老匯電器店門外，巧遇其英文科老師，老師見他獨自一人，不禁好奇地問：「做乜無啦啦喺街？」軒仔疑膽怯不敢直言，僅稱：「爹哋媽咪喺入面買緊嘢，我喺出面等！」老師叮囑軒仔小心後離開。
另一邊廂，軒仔徹夜未歸，母親憂心如焚下報警。年幼軒仔無故失蹤，警方大為緊張，恐防他遭人拐帶，通知全港巡警留意，昨午十二時許又發出軒仔照片全城尋人。田父和親戚朋友四出尋找，又在fb呼籲網民協助。
問路人借錢揭行蹤
至昨午四時許，大圍隆亨邨一名姓王婦人，與兒子在樂心樓對開公園嬉戲時，軒仔上前問姐姐「有冇兩蚊？」王婦其後發現軒仔與警方尋找的失蹤男童相似，於是報警。警方到場調查，初步發現軒仔無受傷，只是雙腿被蚊叮蟲咬，留下紅印，警方聯絡其父母到警署接回兒子。原來軒仔在旺角公園過夜，通宵未眠，被雨淋又捱餓，至昨晨由旺角到大圍找嫲嫲，但不記得地址，才流連公園。軒仔稱：「搭錯巴士唔知去咗邊，冇瞓覺！」幸有街坊「請食嘢」。
軒仔就讀的小學表示，軒仔父母昨主動聯絡校方，始得悉軒仔沒有回校上課，學校得悉軒仔失蹤後十分憂心，當得悉軒仔無恙後，才放下心頭大石。