探射燈：髹漆難吊命 重建可省千萬維修
「我同街坊請裝修師傅喺大廈樓梯鋪過啲磚、髹過牆，希望樓宇可以好啲。」尹先生居於啟明街三十三號五十年，因樓宇屬「三無大廈」，即無業主立案法團、無管理處及無居民組織，在前年與其他居民合資修葺大廈梯間，又自掏荷包重漆家中牆壁。惟居民這些「自保法」，被專家指毫無效用。
換新鋼筋大工程
「咁做只係治標唔治本，大廈得個樣呃到人，裏面依然係爛。」香港專業教育學院（摩理臣山）建造工程系主任陳子明指出，若要徹底維修保養大廈，必須要將有問題部分去除及用新物料取代，如鋼筋生銹要用新鋼筋代替。
他指出，舊樓樓宇結構有問題，加上已經老化，需要由專業工程師做結構勘察，「層樓已經咁舊，要維修可能要用成千萬元，花咁大筆錢去修理，唔合乎成本效益，最好係重建。」