立法會「拉布」拉到政府財政懸崖，連帶立法會都不能幸免，現有一億二千萬元儲備只足夠應付秘書處三個月經常開支，未必足夠支付議員酬金及工作開支償還款項，意味議員下個月起可能會冇糧出。不過，唔少議員仍然繼續「阿Q」未知驚，議員鍾樹根同資訊科技界莫乃光更自稱有個好老婆，萬一立法會真係冇糧出，佢哋可以靠老婆食軟飯喎。樹根仲話，雖則老婆已經退休，但仲有成大筆公積金可以慢慢搣，唔使驚會山窮水盡喎！
