政情:公民講場:「廁所上堂」潔貞又捱轟

教育局擬計劃下學年在觀塘、元朗及大埔區共五個校網每班加派五人,令小班變大班,最終違背小班教學嘅原則。教育局常任秘書長謝凌潔貞前日喺灣仔區議會上,竟然語出驚人反駁話,唔能夠因為校長不滿而將加派措施推倒重來,又話如果唔加派至每班三十人,「難道要學生喺廁所上課嗎?」教協尋日即刻反擊,批評謝太言論涼薄,扭曲和醜化教育界,令教育界感到極為憤慨和遺憾,予以嚴厲譴責,並要求佢收回言論及公開道歉。其實,謝太失言已非首次,佢喺二○一一年出席學校畢業禮時主動提及六四事件:「在歷史的長河裏面,少不免有挫折有沙沙石石」,此言一出即惹來外界抨擊,估唔到佢至今仲未學精。

第一手消息請下載on.cc東網iPhone/iPad/Android/Windows Phone Apps