政情:公民講場:國健「疑中留情」恐步炳良後塵

工聯會議員鄧家彪日前以小股東身份出席港鐵股東大會,質詢同批評高鐵工程延誤醜聞,事後更揚言會支持引用《立法會(權力及特權)條例》徹查事件。不過尋日立法會內務委員會討論以特權法調查高鐵醜聞時,同屬工聯會嘅黃國健就改口話,想畀多少少時間港府同港鐵解釋事件,所以佢哋今次喺內會唔會投贊成票住,但唔代表稍後喺立法會大會表決特權法議案時唔會支持喎,最終令有關議案遭到否決。運輸及房屋局局長張炳良都係因為當初對港鐵嘅解釋「疑中留情」,先至搞到依家一身蟻,黃國健今次又對港鐵「疑中留情」,因住最後瀨晒嘢呀!

第一手消息請下載on.cc東網iPhone/iPad/Android/Windows Phone Apps